Шийдвэрийн дугаар: 2024/ШТ/08
Шийдвэрийн төлөв: Хүчин төгөлдөр…….
Бичсэн огноо: тоймын дугаар №05 2024.03.29
Нийслэлийн прокурорын газраас Г.Гантулгад холбогдуулах эрүүгийн хэргийг хянан шийдвэрлэхээр яллах дүгнэлт үйлдэж хэргийг шүүхэд шилжүүлжээ.
Хохирогчийн хууль ёсны төлөөлөгч О.Э нь өөрийн өмгөөлөгч Л.Б-н хамт шүүх хуралдаанд биечлэн оролцохоо урьдчилсан хэлэлцүүлгийн шүүх хуралдаанд гаргасан бөгөөд шүүх хүсэлтийг хүлээн авч, анхан шатны шүүх хуралдаанд биечлэн оролцуулахаар шийдвэрлэсэн бөгөөд өмгөөлөгч Л.Б-оос хүндэтгэн үзэх шалтгааны улмаас шүүх хуралдаанд оролцох боломжгүй болсноо илэрхийлж, шүүх хуралдааныг хойшлуулах хүсэлтийг бичгээр шүүхэд ирүүлсэн,
Мөн шүүх хуралдаанд шүүгдэгчийн өмгөөлөгчөөр шинээр томилогдон оролцож буй Дорноговь аймгийн Хууль зүйн туслалцааны төвийн өмгөөлөгч Т.У нь “…хэргийн материалтай танилцах нөхцөл боломжоор хангаж өгнө үү…” гэсэн хүсэлтийг гаргасан тул хэргийн оролцогчийн эрхийг хангах үүднээс өмгөөлөгч нарын гаргасан хүсэлтүүдийг нь хүлээн авах нь зүйтэй гэж шүүх бүрэлдэхүүн дүгнэлээ.
Иймд шүүгдэгч Г.Г-д холбогдох хэргийн шүүх хуралдааныг талуудын саналыг харгалзан 2024 оны 04 дүгээр сарын 16-ны өдрийн 09:00 цагт хянан хэлэлцэхээр хойшлуулж шийдвэрлэлээ.
Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.
Тоймыг бэлтгэсэн: Дорноговь аймаг дахь Сум дундын эрүүгийн хэргийн анхан шатны шүүхийн шүүгч Б.Одбаяр