Дорноговь аймгийн Иргэний хэргийн анхан шатны шүүхээс Тамгын газартай хамтран Аймгийн Хүүхэд, гэр бүлийн хөгжил, хамгааллын газрын удирдлага, мэргэжилтнүүдтэй 2024 оны 09 дүгээр сарын 12-ны өдөр уулзалт, ярилцлага зохион байгууллаа. Уулзалтад Дорноговь аймаг дахь сум дундын Иргэний хэргийн анхан шатны шүүхийн шүүгч Ц.Ариунзул, Тамгын газрын дарга С.Бурмаа, Иргэний хэргийн анхан шатны шүүхийн эвлэрүүлэн зуучлагч Б.Баттуяа, Эрүү, иргэний хэргийн анхан шатны шүүхийн шүүгчийн туслахууд, Хүүхэд, гэр бүлийн хөгжил, хамгааллын газрын дарга Ш.Алимаа, Хүүхдийн эрхийн улсын байцаагч Б.Энхтуяа, мэргэжилтнүүд оролцлоо. Оролцогчид Иргэний хэрэг хянан шийдвэрлэх ажиллагаанд шинжээчээр оролцох, дүгнэлт гаргахад тулгамдаж буй асуудал, хэрэг хянан шийдвэрлэх ажиллагаанд сэтгэл зүйчийг оролцуулах, мөн хүүхдийн өрөөний талаар харилцан ярилцаж, санал солилцлоо.
