Эцэг, эхийн зөвлөл нь үйл ажиллагааны төлөвлөгөөний дагуу шүүхийн Тамгын газартай хамтран “Олон улсын хүүхдийн эрхийг хамгаалах өдөр”-ийг тохиолдуулан шүүгч, ажилтнуудын хүүхдүүдийн дунд хөгжөөнт тоглоом, уралдаант тэмцээнийг 2024 оны 05 дугаар сарын 31-ний өдөр наадмын төв талбайд зохион байгууллаа.
Уг арга хэмжээнд нийт 25 хүүхэд оролцсон бөгөөд 3 насны ангиллаар тэмцээн зохион байгууллаа.
Ахлах ангийн хүүхдүүдийн дугуйн уралдаанд тэргүүн байрт А.Цэрэнтогтох, дэд байрт П.Гэрэлтхолбоо, гутгаар байрт Б.Оюумаа;
Дунд насны ангилалд савтай усыг хамгийн олон удаа тогтоох тэмцээнд тэргүүн байрт Б.Азбаяр, дэд байрт П.Гэрэлт-Ирээдүй, гутгаар байрт А.Баасанхүү нар шалгарч хурд хүч, авхаалж самбаагаа сорьсон бол;
Бага насны буюу цэцэрлэгийн насны бяцхан хүүхдүүдийн дунд зохиосон “Чихэр түүх” тэмцээнд С.Эрдэнэсоёмбо, Т.Одбаяр, Б.Тэмүүлэн нар хамгийн олон чихэр цуглуулж, өөртөө авлаа.
Мөн нийт ажилтнууд, тэдгээрийн гэр бүл болон хүүхдүүдийн дунд атом, молекул тэмцээн зохион нэгэн өдрийг хөгжилтэй, дурсамжтай хамтдаа өнгөрүүлж, тэмцээнд байр эзэлсэн болон нийт хүрэлцэн ирсэн хүүхдүүддээ бэлэг, дурсгалын зүйл гардууллаа.
