Дорноговь аймаг дахь шүүхийн Тамгын газраас санаачлан 2024 оны 05 дугаар сарын 08-ны өдөр шүүгч, шүүхийн захиргааны ажилтнуудын чөлөөт цагийг зөв боловсон өнгөрүүлэх, эрүүл мэндийг хамгаалах, хөдөлгөөний дутагдлаас сэргийлэх зорилгоор “ВОЛЛЕЙБОЛ”-ын тэмцээн зохион байгууллаа.
Тэмцээнд нийт 5 баг оролцон хурд хүч, авхаалж самбаагаа сорин оролцсоноос:
Тэргүүн байранд шүүхийн Тамгын газрын дарга С.Бурмаа ахлагчтай “Хатуу самар” баг;
Дэд байранд Захиргааны хэргийн анхан шатны шүүхийн Ерөнхий шүүгч С.Отгонтуяа ахлагчтай “Шонхор” баг;
Гутгаар байранд Иргэний хэргийн анхан шатны шүүхийн Ерөнхий шүүгч Д.Наранцэцэг ахлагчтай “Голд” баг тус тус шалгарлаа.
Монгол Улсад Захиргааны хэргийн дагнасан шүүх байгуулагдсаны 20 жилийн ойн хүрээнд уг тэмцээнд Захиргааны хэргийн анхан шатны шүүх хамтран оролцож, тэмцээний “Тэгш тоглогч”-оор Эрүүгийн хэргийн анхан шатны шүүхийн шүүгч Б.Одбаяр, шүүх хуралдааны нарийн бичгийн дарга Г.Ууганзул нарыг шалгаруулж урамшууллаа.
