Дорноговь аймаг дахь шүүхийн Тамгын газраас шүүхийн үйл ажиллагаа, зарчим, онцлогийг таниулах, гэмт хэрэг зөрчлөөс урьдчилан сэргийлэх, сурагчдын мэргэжил сонголтод туслах зорилгоор аймгийн Ерөнхий боловсролын 5-р сургуулийн төгсөх ангийн сурагчидтай 2023 оны 10 дугаар сарын 12-ны өдөр уулзалт зохион байгуулж, шүүхийн үйл ажиллагааг танилцууллаа.
Дээрх үйл ажиллагаанд Дорноговь аймаг дахь эрүүгийн хэргийн анхан шатны шүүхийн шүүгч Б.Одбаяр, тамгын газрын дарга С.Бурмаа, архив бичиг хэргийн эрхлэгч О.Батбямба, 5-р сургуулийн нийгмийн ухааны багш Х.Баярцэцэг, болон 17 сурагчид оролцож байгууллагын үйл ажиллагаа, ажил мэргэжлийн онцлог, мэргэжил сонголтын талаар чөлөөт ярилцлагыг өрнүүлэв.
