: 70522144 : dornogovi_tg@shuukh.mn

ЗӨРЧИЛ ҮЙЛДЭХЭД АШИГЛАСАН ТЭЭВРИЙН ХЭРЭГСЛИЙГ ХУРААХ, ЭСХҮЛ ҮНИЙГ ГАРГУУЛАХ ЭСЭХИЙГ УЛСЫН БАЙЦААГЧ ШИЙДЭХ ЭРХГҮЙ


Шүүгчийн захирамжийн огноо, дугаар: Дорноговь аймаг дахь Захиргааны хэргийн анхан шатны шүүхийн 2022 оны 12 дугаар сарын 06-ны өдрийн 115/ШЗ2022/0145
Тоймын огноо, дугаар: 2023.05.20, №34
Тоймын төрөл: Шүүхийн процессын тойм
Захирамжийн төлөв: Хүчин төгөлдөр болсон

Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой.

Эрх бүхий албан тушаалтан болох Байгаль орчны хяналтын улсын байцаагчаас “иргэн О нь “зөвшөөрөлгүйгээр амьтныг агнасан” зөрчил үйлдэхдээ ашигласан тээврийн хэрэгсэл болох Саня /SANYA/ маркийн 1 ширхэг мотоциклийг хураах, эсхүл үнийг нь гаргуулах албадлагын арга хэмжээ авхуулах тухай” хүсэлтийг шүүхэд ирүүлжээ.
Шүүх хүсэлтийг хүлээн авахаас татгалзаж шийдвэрлэсэн.
Учир нь: Зөрчлийн тухай хуульд “зөрчил үйлдэхэд ашигласан тээврийн хэрэгсэл, уналгыг хураах, эсхүл үнийг гаргуулах” эсэхийг шүүх шийдвэрлэхээр зохицуулсан.
Тодруулбал, улсын байцаагч нь зөрчил үйлдэхэд ашигласан тээврийн хэрэгслийг хураах шийдвэр гаргах эрхгүй, харин ийм саналаа шүүхэд гаргаж, шүүхээр шийдвэрлүүлэх юм.
Гэтэл энэ тохиолдолд улсын байцаагч шүүхээр шийдвэрлэх асуудлыг өөрөө шийдэж, зөрчил үйлдэхэд ашигласан мотоциклийг хураах шийдвэр гаргасан нь буруу болжээ.

Тойм бэлтгэсэн: Дорноговь аймаг дахь Захиргааны хэргийн анхан шатны шүүхийн шүүгч Б.Сийлэгмаа
шаблоны для dle 11.2

ИРГЭН ТАНД

ХЭРЭГЦЭЭТ ХОЛБООС



Pdf download