: 70522144 : dornogovi_tg@shuukh.mn

ГЭР БҮЛИЙН ХҮРЭЭНД ГАРСАН ЗӨРЧИЛ БҮР ГЭР БҮЛИЙН ХҮЧИРХИЙЛЭЛ БОЛОХГҮЙ


Шийдвэрийн дугаар: 2023.02.08-ны №2023/ДШМЗ/02 дугаартай магадлал
Шүүхийн шийдвэрийн тойм №22
Шийдвэрийн төлөв: Хүчин төгөлдөр болсон

САНАМЖ: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.

Цагдаагийн байгууллагын эрх бүхий албан тушаалтнаас  зөрчилд холбогдогч Г.О-г  гэр бүлийн хамаарал бүхий харилцаатай хүн болох эхнэрээ 2 удаа алгадаж, гэр бүлийн хүчирхийлэл үйлдсэн зөрчилд холбогдуулан шийтгэл оногдуулах, албадлагын арга хэмжээ авхуулах санал ирүүлснийг анхан шатны шүүх хянан хэлэлцээд Г.О-д холбогдох зөрчлийн хэргийг хэрэгсэхгүй болгосон.
Үүнийг эс зөвшөөрч прокурор эсэргүүцэл бичсэн, давж заалдах шатны шүүхээс зөрчлийн хэргийг хянаад зөрчлийн хэргийг хэрэгсэхгүй болгож шийдвэрлэснийг үндэслэлтэй гэж үзсэн.
Давж заалдах шатны шүүх гэрлэгчид муудсан сэдэлт, шалтгаан нь хохирогч бусадтай маргалдаж, зөрчилд холбогдогч түүнийг таслан зогсоох зорилготой байсан нь гэр бүлийн хүчирхийллийн шинжгүй буюу зөрчилд холбогдогч Г.О-гийн  эхнэрээ алгадсан үйлдэл нь Гэр бүлийн хүчирхийлэлтэй тэмцэх тухай хууль зөрчсөн буюу гэр бүлийн хамаарал бүхий харилцаатай хүнийг зодсон зөрчлийн шинжийг бүрэн хангаагүй гэж үзсэн.  
Зөрчлийн тухай хуульд заасан “Гэр бүлийн хамаарал бүхий харилцаатай хүнийг зодсон”  зөрчил, “Хүний биед халдах буюу хүний биед хохирол учруулахгүйгээр халдаж зодсон”  зөрчлүүдийн онцлог шинж нь зөрчил үйлдэх сэдэлт, шалтгаан, санаа зорилгоороо ялгаатай ба гэр бүлийн хүчирхийллийн шинжийг агуулж, тухайн сэдэлтээр зодсон байх нь энэ зөрчлийн гол шинж болдог.
Тиймээс гэр бүлийн хүрээнд гэрлэгчдийн хооронд болон гэр бүлийн хамаарал бүхий этгээдүүдийн хооронд гарсан таарамжгүй харилцаанаас үүдэлтэй зөрчил болгон гэр бүлийн хүчирхийлэл болохгүй юм.

 Тоймыг бэлтгэсэн: Дорноговь аймгийн Эрүү, Иргэний хэргийн давж заалдах шатны шүүхийн шүүгч Н.Болормаа
шаблоны для dle 11.2

ИРГЭН ТАНД

ХЭРЭГЦЭЭТ ХОЛБООС



Pdf download