ДОРНОГОВЬ АЙМГИЙН ШҮҮХ
Шийдвэрийн дугаар: 2023.01.04-ний №2023/ДШМ/02 дугаартай магадлал
Шүүхийн процессын тойм №21
Шийдвэрийн төлөв: Хүчин төгөлдөр болсон.
Шүүхийн процессын тойм №21
Шийдвэрийн төлөв: Хүчин төгөлдөр болсон.
САНАМЖ: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.
Прокуророос шүүгдэгч Н-г хохирогч Л-ын фейсбүүк цахим хаягийг өөр хаягтай холбон хуурамч бичвэр, сэтгэгдэл оруулж, түүний нэр төр, алдар хүндэд халдсан илт худал мэдээллийг олон нийтэд тараасан гэмт хэрэгт холбогдуулан яллах дүгнэлт үйлдэж, хэргийг шийдвэрлүүлэхээр шүүхэд шилжүүлжээ.
Анхан шатны шүүхээс хэргийг хянан хэлэлцээд шүүгдэгч Н-г энэхүү гэмт хэргийг үйлдсэн гэмт буруутайд тооцож, эрүүгийн хариуцлага хүлээлгэсэн ба шүүх хохирогчоос сэтгэл санааны хохиролд нэхэмжилсэн 15,000,000 төгрөгийг шүүгдэгчээс гаргуулахаар шийдвэрлэснийг шүүгдэгч эс зөвшөөрч давж заалдсан гомдол гаргасан.
Давж заалдах шатны шүүхээс анхан шатны шүүхийг иргэний нэхэмжлэлийг шийдвэрлэхдээ түүний үндэслэл, хэмжээний нотлогдсон байдлыг харгалзан үзээгүй буюу хохирогч гэмт хэргийн улмаас учирсан хохирол, хор уршгийн хэр, хэмжээтэй холбоотой нотлох баримтыг огт гаргаж өгөөгүй байхад сэтгэл санааны хохирлыг бүрэн хангаж, шийдвэрлэсэн нь үндэслэлгүй гэж үзсэн.
Ийнхүү давж заалдах шатны шүүх сэтгэл санааны хохиролтой холбоотой нотлох баримтгүй тул нэхэмжлэлд тодорхой тооцоо гаргах бололцоогүй үндэслэлээр иргэний нэхэмжлэлийг хэлэлцэхгүй орхиж, хохирогч нь иргэний нэхэмжлэлтэй холбоотой нотлох баримтыг бүрдүүлсний эцэст, нэхэмжлэлээ иргэний хэрэг шүүхэд хянан шийдвэрлэх ажиллагааны журмаар дахин гаргах эрхтэйг болохыг заасан өөрчлөлтийг шийтгэх тогтоолд оруулж, шүүгдэгчийн гаргасан давж заалдах гомдлыг хангаж шийдвэрлэсэн.
Тоймыг бэлтгэсэн: Дорноговь аймгийн Эрүү, Иргэний хэргийн давж заалдах шатны шүүхийн шүүгч Н.Болормаа
