ДОРНОГОВЬ АЙМГИЙН ШҮҮХ
Дорноговь аймгийн Эрүү, Иргэний хэргийн давж заалдах шатны шүүхийн 2023.01.25-ны өдрийн магадлал №202/МА202З/00004
Шүүхийн процессын тойм №19
Шийдвэрийн төлөв: Хүчин төгөлдөр болсон.
Шүүхийн процессын тойм №19
Шийдвэрийн төлөв: Хүчин төгөлдөр болсон.
САНАМЖ: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.
Нэхэмжлэгч А Хадгаламж зээлийн хоршоо нь хариуцагч У, Т нарт холбогдуулан зээлийн гэрээний үүрэгт 4,846,080 төгрөг гаргуулахаар нэхэмжлэлийн шаардлага гаргасан бөгөөд анхан шатны шүүх нэхэмжлэлийн шаардлагыг бүхэлд нь хангаж шийдвэрлэснийг хариуцагч нарын өмгөөлөгч М эс зөвшөөрч давж заалдсан гомдол гаргасан.
Давж заалдах шатны шүүх хэргийг хянан үзэхэд хариуцагч нар анхан шатны шүүхэд нэхэмжлэлийн шаардлага, үндэслэлийн талаарх тайлбарыг бичгээр гаргаагүй боловч тэдний өмгөөлөгч шүүх хуралдаанд оролцож хариуцагч талын байр суурийг илэрхийлснээр анхан шатны шүүх маргааны үйл баримтыг тогтоосон байв.
Энэхүү нөхцөл байдлыг давж заалдах шатны шүүхээс өмгөөлөгч нь хуульд заасны дагуу үйлчлүүлэгчийнхээ байр суурьт тайлбар хийх, үйлчлүүлэгчийн шаардлага, татгалзал, түүнийг нотлох баримт, үндэслэлийг гаргах эрхтэй байдаг тул мэтгэлцэх зарчмыг зөрчөөгүй гэж үзсэн.
Мөн хэргийн нотлох баримт нь ... өмгөөлөгчийн тайлбар ... зэрэг нотолгооны хэрэгслээр тогтоогддог тул түүний тайлбар нь хариуцагч нарын ашиг сонирхол, зорилгыг тодорхойлох боломжтой гэж үзэн анхан шатны шүүхийн шийдвэрийг хэвээр үлдээв.
Шийдвэрийг бүтнээр харах цахим холбоос: https://shuukh.mn/single_case/25936?daterange=2023-01-01%20-%202023-03-06&id=2&court_cat=1&bb=1
Тоймыг бэлтгэсэн: Дорноговь аймгийн Эрүү, Иргэний хэргийн давж заалдах шатны шүүхийн шүүгч А.Сайнтөгс
