Шүүхийн шийдвэрт дүн шинжилгээ хийх уралдаанд шүүгчийн туслах Б.Мөнхзул тэргүүн байр эзэллээ.

30

Монгол Улсын дээд шүүхийн Тамгын газар, Улсын дээд шүүхийн дэргэдэх Шүүхийн сургалт, судалгаа, мэдээллийн хүрээлэнгээс хамтран зохион байгуулсан  “Шүүхийн шийдвэрт дүн шинжилгээ хийх” уралдаанд шалгарсан шүүхийн захиргааны ажилтнуудад шагнал гардуулах ажиллагаа 2022 оны 5 дугаар сарын 31-ний өдөр болов.

Шүүхийн шийдвэрийг зөв унших, ойлгох, шүүхээс хуулийг хэрхэн тайлбарлаж байгаа, онол болон хууль хэрэглээний холбоо хамаарал болон шүүхийн шийдвэрийн үндэслэлд үнэлэлт, дүгнэлт өгөх чадварыг дээшлүүлэх зорилготой уг уралдаанд анхан болон давж заалдах шатны шүүхийн захиргааны 15 ажилтан оролцсон байна.
Эрүүгийн хэргийн шүүхийн шийдвэрийн дүн шинжилгээнд Дорноговь аймгийн Эрүү, Иргэний хэргийн давж заалдах шатны шүүхийн шүүгчийн туслах Б.Мөнхзул тэргүүн байрт шалгарсан бол Баянгол, Хан-Уул дүүргийн Иргэний хэргийн анхан шатны шүүхийн Тамгын газрын мэдээлэл технологийн мэргэжилтэн Г.Мөнхбаяр 2 дугаар байр, Дорноговь аймгийн Замын-Үүд сум дахь Сум дундын шүүхийн Тамгын газрын мэдээлэл лавлагааны мэргэжилтэн М.Ренчинмядаг 3 дугаар байр тус тус эзэлсэн байна.

Дорноговь аймгийн эрүү, иргэний хэргийн давж заалдах шатны шүүхийн шүүгчийн туслах Б.Мөнхзулд хамт олон нь ажлын амжилт хүсэж, дурсгалын зүйл гардууллаа.

Дорноговь аймаг дахь шүүхийн Тамгын газар 



шаблоны для dle 11.2

ИРГЭН ТАНД

ХЭРЭГЦЭЭТ ЛИНК