"Шүүхийн хэвлэл мэдээлэл, олон нийтийн харилцаа" сэдэвт сургалт боллоо.

14

Шүүхийн ерөнхий зөвлөлөөс 2021 оны 09 дүгээр сарын 21-ний өдөр анхан болон давж заалдах шатны шүүхийн Тамгын газрын дарга, олон нийттэй харилцах мэргэжилтнүүдэд зориулан “Шүүхийн хэвлэл мэдээлэл, олон нийтийн харилцаа” сургалт зохион байгууллаа. Тус сургалтыг
       Баянгол дүүргийн Эрүүгийн хэргийн анхан шатны шүүхийн шүүгч Ц.Мөнх-Эрдэнэ олон улсын шүүх эрх мэдлийн байгууллагуудын олон нийттэй харилцахад тулгарч буй бэрхшээл, түүнийг даван туулах бодлого, зөвлөмж болон мэдээллийн сүлжээг хэрхэн ашигладаг, цаашдын чиг хандлагын талаар, Хэвлэлийн хүрээлэнгийн Сэтгүүлзүйн багш Ж.Оюунцэцэг мэдээлэл харилцаа, мэдээ бичих онолын анхан шатны мэдэгдэхүүн, олон нийттэй харилцах онол болон нийгмийн сүлжээгээр төрийн мэдээллийг хэрхэн зөв зохистой түгээх талаар онолын мэдлэг олгож, сургалтад оролцогчидтой мэдээлэл солилцлоо.
      Мөн мэдээ бичих, хэвлэлийн бага хурал зохион байгуулахад анхаарах зүйлсийн талаар зөвлөгөө, мэдээлэл өгч шүүхийн захиргааны ажилтнуудын сонирхсон асуултад хариулав.
       Шүүхийн ерөнхий зөвлөлийн Шүүхийн хамтын ажиллагаа, олон нийттэй харилцах газраас шүүхийн тамгын газрын дарга, олон нийттэй харилцах мэргэжилтнүүдэд зориулж жил бүр сургалт зохион байгуулдаг. Цар тахлын нөхцөл байдлаас шалтгаалж энэ удаагийн сургалт танхим, цахим хосолсон хэлбэрээр боллоо.
шаблоны для dle 11.2

ИРГЭН ТАНД

ХЭРЭГЦЭЭТ ЛИНК

САНАЛ АСУУЛГА

Та шүүхэд итгэдэг үү?