Гамшгаас хамгаалах өндөржүүлсэн болон бүх нийтийн бэлэн байдлын зэрэгт шилжүүлсэн үед дараах арга хэмжээг авч ажиллаж байна

88

Тус шүүхийн Тамгын газрын газрын даргын 2020.11.25-ны өдрийн А/42 дугаартай тушаалаар “Гамшгаас хамгаалах өндөржүүлсэн болон бүх нийтийн бэлэн байдлын зэрэгт шилжүүлсэн үед ажиллах шуурхай штаб” байгуулж, төлөвлөгөө болон түр журам батлаж, шүүн таслах ажиллагааг тасралтгүй, хэвийн явуулах, шүүхийн үйлчилгээг иргэдэд хүргэх, шүүхийн байранд аюулгүй байдлыг хангах, хамгаалахтай холбогдсон дараах ажлуудыг хэрэгжүүлж байна.
Шүүхээр үйлчлүүлж буй иргэдийг Эрүүл мэндийн байгууллагаас тогтоосон зөвлөмж, зааврыг баримтлан шүүхэд нэвтрүүлж, шүүхээр биечлэн үйлчлүүлж буй иргэдийн мэдээллийг дэлгэрэнгүй бүртгэн нэг удаагийн бээлий амны хаалтгүй үйлчлүүлэгч болон биеийн халуун өндөртэй, коронавирус халдвар /COVID-19/-ын шинж тэмдэг илэрсэн иргэнийг шүүхийн байраар нэвтрүүлэхгүй байх зөвлөмжийг хэрэгжүүлэн ажиллаж байна.
Иргэдийн явах хөдөлгөөнийг заасан зааварчилгаа, хүн хоорондын зай болон хязгаарлалтыг тогтоосон тэмдэг тэмдэглэгээг баримтлан хэрэг, нэхэмжлэл, өргөдөл, гомдол, хүсэлт, баримт бичиг болон тамгын газарт ирүүлэх хүсэлт, албан бичиг зэргийг мэдээлэл лавлагааны мэргэжилтэн хүлээн авч байна.
Мөн шүүхэд нэхэмжлэл, өргөдөл, гомдол гаргах ажиллагаанд тус шүүхийн тамгын газрын 70522144, 88702851 утсаар зааварчилгаа өгч dornogovi_tg@shuukh.mn цахим хаягаар болон шуудангаар хүлээн авч байна. 
Анхан болон давж заалдах шатны шүүхүүдэд гаднаас ирж буй шуудан, хэргийн богц зэргийг зориулалтын бодисоор ариутгал хийн 2 цагийн дараа холбогдох ажилтанд шилжүүлэн ажиллаж байна. 
Шүүхийн мэдээлэл лавлагааны алба, шүүх хуралдааны танхимд шүүх бүрэлдэхүүн болон бусад оролцогчидыг тусгаарлах, хэргийн материал, шүүх хуралдааны тэмдэглэлтэй танилцах болон хэргийн оролцогч, тэдгээрийн төлөөлөгч, өмгөөлөгч архивт шилжүүлсэн хэрэг, баримттай биечлэн танилцах хэсэгт тусгайлан хаалт хийсэн.
Анхан болон давж заалдах шатны шүүхүүдийн шүүх хуралдаан, эвлэрүүлэн зуучлалын уулзалтын дараа тухай бүрт танхимд ариутгал, халдваргүйжүүлэлт хийн тодорхой хугацааны дараа дараагийн хуралдааныг зохион байгуулан ажиллаж байна.