: 70522144 : dornogovi_tg@shuukh.mn

Шүүгч нар тангараг өргөлөө.


     Монгол Улсын Ерөнхийлөгчийн 2020 оны 05 дугаар сарын 21-ний өдрийн 42 дугаар зарлигаар Дорноговь аймаг дахь сум дундын Иргэний хэргийн анхан шатны шүүхийн шүүгчээр Б.Гончигсумлаа, Дорноговь аймаг дахь сум дундын Эрүүгийн хэргийн анхан шатны шүүхийн шүүгчээр Г.Энхтунгалаг нар тус тус томилогдсон “Шүүгчийн тангараг” өргөх ёслолын ажиллагааг 2020 оны 06 дугаар сарын 02-ны өдөр зохион байгууллаа.
     Шүүгч нарын тангараг өргөх ёслолын арга хэмжээг Дорноговь аймаг дахь шүүхийн Тамгын газрын даргын албан үүргийг түр орлон гүйцэтгэгч Т.Даваадорж удирдан явуулж, Монгол Улсын Ерөнхийлөгчийн зарлиг, Монгол Улсын Ерөнхийлөгчийн 1993 оны 06 дугаар сарын 19-ний өдрийн 03 дугаар зарлигаар баталсан “Монгол Улсын шүүхийн шүүгчийн тангараг өргөх журам”-ын дагуу зохион байгуулж, тангараг өргүүллээ.
     Шүүгчийн тангараг өргүүлэх ёслолын ажиллагаанд Дорноговь аймаг дахь анхан болон Давж заалдах шатны шүүхийн Ерөнхий шүүгч, шүүгч нар, шүүхийн захиргааны хамт олон болон хуулийн байгууллагуудын дарга, удирдлагаууд оролцлоо.
    Шинээр томилогдож буй шүүгч нарт Дорноговь аймгийн Эрүү, Иргэний хэргийн Давж заалдах шатны шүүхийн Ерөнхий шүүгчийн үүргийг түр орлон гүйцэтгэгч шүүгч Н.Батчимэг, Дорноговь аймаг дахь Захиргааны хэргийн анхан шатны шүүхийн Ерөнхий шүүгч Б.Цэнд, Дорноговь аймаг дахь сум дундын Эрүүгийн хэргийн анхан шатны шүүхийн Ерөнхий шүүгчийн үүргийг түр орлон гүйцэтгэгч шүүгч Н.Адъяа нар болон хуулийн байгууллагуудын дарга, удирдлагаууд баяр хүргэж, ажлын амжилт хүслээ.
      Шүүгч нартаа ажлын амжилт, эрүүл энх, хамгийн сайн сайхан бүхнийг хүсье.





шаблоны для dle 11.2

ИРГЭН ТАНД

ХЭРЭГЦЭЭТ ХОЛБООС



Pdf download