Дорноговь аймаг дахь шүүхийн тамгын газар Сайншанд сумын Зүүнбаян багт ажиллалаа.

285

2020 оны 01 дүгээр сарын 22-ны өдөр Дорноговь аймаг дахь Шүүхийн тамгын газрын даргын албан үүргийг түр орлон гүйцэтгэгч Т.Даваадорж, мэдээллийн технологийн мэргэжилтэн А.Жаргалбаяр, архив бичиг хэргийн эрхлэгч Ц.Тэгшдүүрэн нар Сайншанд сумын Зүүнбаян багт ажиллалаа.

10:00 цагт Зүүнбаян багийн засаг даргын ажлын албаны мэргэжилтнүүд болон байгууллагуудын албан хаагч, иргэд хөдөлмөрчдийг хамруулан “Шүүхийн нээлттэй, ил тод байдал”, “Зөрчлийн тухай хууль”, “Шүүхэд нэхэмжлэл гаргах эрх”, “Шүүхийн иргэдийн төлөөлөгчийн оролцоо” зэрэг сэдвүүдийн хүрээнд;
14:00 цагт Зүүнбаян дахь Зэвсэгт хүчний 336 дугаар ангийн офицер, ахлагч нар болон хугацаат цэргийн албан хаагчдыг хамруулан “Цэргийн албан хаагчийн эрх зүйн байдал”, “Зөрчлийн тухай хууль”, “Шүүхэд мэдүүлэх эрх” сэдвүүдийн хүрээнд;
16:00 цагт Зүүнбаян багийн нутагт үйл ажиллагаа явуулдаг Доншен газрын тос /Монгол/ ХХК-ийн менежер, ажилтнуудыг хамруулан “Шүүхийн нээлттэй, ил тод байдал”, “Зөрчлийн тухай хууль”, “Шүүхэд нэхэмжлэл гаргах эрх” сэдвүүдийн хүрээнд тус тус сургалт зохион байгуулсан юм. Мөн энэ үеэр Сайншанд сумын Зүүнбаян багаас 2020 онд шүүх хуралдаанд оролцох шүүхийн иргэдийн төлөөлөгчөөр сонгогдсон 6 иргэнд шүүх дэх иргэдийн төлөөлөгчийн эрх зүйн байдлын тухай хуулийн хүрээнд “Шүүх дэх иргэдийн төлөөлөгчийн оролцоо” сэдвээр тусгайлан сургалт зохион байгуулж гарын авлага материалаар хангаж ажиллалаа.

шаблоны для dle 11.2

ИРГЭН ТАНД

ХЭРЭГЦЭЭТ ЛИНК

САНАЛ АСУУЛГА

Та шүүхэд итгэдэг үү?