ДОРНОГОВЬ АЙМГИЙН ШҮҮХ
Шийдвэрийн дугаар: 2023.02.03-ны №2023/ШЦТ/31
Шийдвэрийн төлөв: Хүчин төгөлдөр болсон
Шүүхийн шийдвэрийн тойм №23
Шийдвэрийн төлөв: Хүчин төгөлдөр болсон
Шүүхийн шийдвэрийн тойм №23
САНАМЖ: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.
Шүүгдэгч Д нь 2022 оны 9 сарын 13-ны өдөр ...сумын төсөвт байгууллагуудын дулаан, цэвэр ус, бохирын сүлжээнд холбох ажлыг гүйцэтгэх ажлын гэрээний дагуу гүйцэтгэхэд гүйцэтгэгч байгууллагын ерөнхий инженерээр ажиллаж байхдаа “оршин суугчид олноор суурьшсан нутаг дэвсгэр буюу үйлдвэрлэлийн талбай дээр ...газар шорооны ажил гүйцэтгэхдээ хүмүүсийн болон тээврийн хөдөлгөөн ихтэй газруудад хаалт, хамгаалалт хийж өгвөл зохино” гэсэн заалтуудыг хэрэгжүүлж ажиллаагүйн улмаас соёлын төв... орох гэж явсан С нь ухсан шуудуу дотор унаж биед нь хүндэвтэр гэмтэл учирсан. Прокуророос хүний эрүүл мэндэд хүндэвтэр хохирол болгоомжгүйгээр учруулах гэмт хэрэг үйлдсэн гэм буруутай гэж үзэн яллах дүгнэлт үйлдэж, хэргийг шүүхэд ирүүлжээ.
Хүний эрүүл мэндэд хүндэвтэр хохирол болгоомжгүй учруулах гэдэг нь Захиргааны байгууллагаас нийтээр заавал дагаж мөрдүүлэхээр гаргасан шийдвэр, хууль тогтоох байгууллагаас баталсан нийтээр дагаж мөрдөх, нийтийн ашиг сонирхлыг илэрхийлсэн баримт бичиг ...зэргээр хүлээсэн үүргээ биелүүлээгүйн улмаас хүний бие махбодод удаан хугацаагаар эрүүл мэндийг сарниулж хөдөлмөрийн чадварын гуравны нэгээс дээшгүйг алдагдуулсан гэмтэл учирсан байна.
Д нь хуулиар хүлээсэн үүргээ биелүүлээгүй буюу тухайн ухсан нүхээ тойруулан хаалт хамгаалалт хийж, анхааруулга тэмдэг тавиагүйгээс хохирогч уг нүхэнд унаж биед баруун дунд чөмгөний доод булууны үе дайрсан бяцарсан далд хугарал... гэмтэл учирсан тул шүүхээс Д-г хүний биед хүндэвтэр хохирлыг болгоомжгүй үйлдлээр учруулсан гэм буруутай гэж дүгнэв.
Хохирлын хувьд 26.000.000 төгрөг төлсөн, гэмт хэрэг үйлдсэн хүн гэм буруугаа хүлээн зөвшөөрсөн, хохирогч С гомдол саналгүй, цаашид нэхэмжлэх зүйлгүй гэсэн зэргийг харгалзан үзэж шүүхээс 1.200 нэгжтэй тэнцэх хэмжээний буюу 1.200.000 төгрөгөөр торгох ял оногдуулж шийдвэрлэв.
Шийдвэрийг бүтнээр харах цахим холбоос: https://shuukh.mn/single_case/85084?daterange=2023-01-01%20-%202023-03-14&id=1&court_cat=2&bb=1
Тоймыг бичсэн: Дорноговь аймаг дахь Сум дундын эрүүгийн хэргийн анхан шатны шүүхийн шүүгч Д.Адъяасүрэн
