: 70522144 : dornogovi_tg@shuukh.mn

БАЙР ТҮРЭЭСЛҮҮЛНЭ ГЭЖ БУСДЫГ ЗАЛИЛАН МӨНГӨ АВСАН ЭТГЭЭДЭД ХАРИУЦЛАГА ХҮЛЭЭЛГЭВ



 Дорноговь аймаг дахь Эрүүгийн хэргийн анхан шатны шүүхийн 2022 оны 12 сарын 07-ны өдрийн 221 дугаартай шийдвэр
Шүүхийн шийдвэрийн тойм №01   2023.01.11
Шийдвэрийн төлөв: хүчин төгөлдөр болсон
Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.

 Э.Я нь олон нийтийн цахим сүлжээ болох фейсбүүкт “байр түрээслүүлнэ” гэсэн хуурамч зарыг байршуулан байр түрээслэхээр холбогдсон хүмүүст “олон хүн түрээслэхээр ярьж байгаа учир урьдчилгаа мөнгөө шилжүүлчих” гэх зэргээр хуурч өөрийн болон бусдын дансыг өгч 4,220,000 төгрөг  шилжүүлэн авч,олсон орлогоо өөрийн хэрэгцээнд зарцуулан бусдыг залилсан байна.
 Эрүүгийн хуульд зааснаар бодит байдлыг нуух замаар бусдыг төөрөгдөлд оруулж өмчлөгчийн эд хөрөнгийг шилжүүлэн авсан гэж Дорноговь аймгийн  прокурорын газраас яллах дүгнэлт үйлдэж гэм буруутай эсэхийг шийдвэрлүүлэхээр хэргийг шүүхэд шилжүүлжээ.
 Гэм буруутай этгээд нь тухайн хохирогчийг үгээр буюу үйлдлээр үнэн байдлыг нууж,итгэл үнэмшил төрүүлснээр эд хөрөнгө,мөнгө,бусад зүйлийг нь шууд өөрийн мэдэлд авах, буцааж өгөхгүй, хариу төлбөр огт хийхгүй гэсэн санаа зорилготой байдаг бөгөөд шүүхээс бусдыг хуурч цахим хэрэгсэл ашиглан төөрөгдөлд оруулж,өмчлөгчийн эд хөрөнгийг/мөнгийг/ шилжүүлэн авсан нь залилах гэмт хэргийг санаатай үйлдсэн гэм буруутай гэж дүгнэв.
 Энэ гэмт хэргийг үйлдсэн этгээдэд дөрвөн зуун тавин нэгжээс арван дөрвөн мянган нэгжтэй тэнцэх хэмжээний төгрөгөөр торгох,эсхүл хоёр зуун дөчин цагаас долоон хорин цаг хүртэл хугацаагаар нийтэд тустай ажил хийлгэх, эсхүл зургаан сараас гурван жил хүртэл хугацаагаар зорчих эрхийг хязгаарлах,эсхүл зургаан сараас гурван жил хүртэл хугацаагаар хорих ял шийтгэхээр хуульд заасан бөгөөд шүүхээс Э.Я-г гэм буруугаа хүлээн зөвшөөрсөн,учруулсан хохирлыг бүрэн барагдуулсан,эрүүл мэндийн байдлыг нь харгалзан 4000 нэгж буюу 4000000 төгрөгөөр торгох ял оногдуулж шийдвэрлэв.

Шүүхийн шийдвэрийг бүтнээр харах цахим холбоос:
Тойм бэлтгэсэн: Дорноговь аймаг дахь Сум дундын Эрүүгийн хэргийн анхан шатны шүүхийн шүүгч Д.Адъяасүрэн
шаблоны для dle 11.2

ИРГЭН ТАНД

ХЭРЭГЦЭЭТ ХОЛБООС



Pdf download