Дорноговь аймаг дахь сум дундын Эрүүгийн хэргийн анхан шатны шүүхийн 2022 оны 12 сарын 16-ны өдрийн 240 дугаартай шийдвэр

Шүүхийн шийдвэрийн тойм №02   2023.01.13

Шийдвэрийн төлөв: хүчин төгөлдөр болсон

Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.

Б.Э-д  Дорноговь аймаг дахь Сум дундын Эрүүгийн хэргийн анхан шатны шүүхийн 2022 оны 8 сарын 19-ний өдрийн 141 дугаартай шийтгэх тогтоолоор Эрүүгийн хуулийн тусгай ангийн 12.5 дугаар зүйлийн  1 дэх хэсэгт зааснаар хорих ял оногдуулахгүйгээр 2 жилийн хугацаагаар тэнсэж, Эрүүгийн хуулийн ерөнхий ангийн 7.3 дугаар зүйлийн 3 дахь хэсгийн 3.1-т зааснаар хязгаарлалт тогтоож шийдвэрлэсэн байна.

Б.Э нь дээрх ялыг эдэлж байх хугацаанд 2 хүний эрүүл мэндэд хөнгөн хохирол санаатай учруулсан байна.

Эрүүгийн хуульд зааснаар хүний эрүүл мэндэд хөнгөн хохирол санаатай учруулсан бол эрүүгийн гэмт хэрэгт тооцохоор заасан, Дорноговь аймгийн прокурорын газраас Б.Э-д яллах дүгнэлт үйлдэн гэм буруутай эсэхийг шийдвэрлүүлэхээр шүүхэд хэргийг ирүүлжээ.

Шүүхээс Б.Э-г хүний эрүүл мэндэд хөнгөн хохирол санаатай учруулах гэмт хэргийг 2 хүний эрүүл мэндэд учруулсан гэм буруутай гэж үзсэн байна.

Б.Э-д 2 хүний эрүүл мэндэд хөнгөн хохирол учруулсан үйлдэлд нь 2 сар зорчих эрхийг хязгаарлах ял оногдуулж, шүүхээс хорих ял оногдуулахгүйгээр тэнссэн хугацаанд санаатай гэмт хэрэг үйлдсэн тул тэнссэн шийдвэрийн 2,3 дахь заалтыг хүчингүй болгож 1 жилийн хорих ял оногдуулж, Эрүүгийн хуулийн 5.5 дугаар зүйлийн 3-т зааснаар зорчих эрхийг хязгаарлах ялын 1 хоногийг хорих ялын 1 хоногоор тооцож, Б.Э-д шүүхээс 1 жил 2 сарын хорих ял оногдуулсан байна.

Шүүхийн шийдвэрийг бүтнээр харах цахим холбоос: https://shuukh.mn/single_case/84038?daterange=2022-01-01%20-%202023-01-16&id=1&court_cat=2&bb=1

Тойм бэлтгэсэн: Дорноговь аймаг дахь Сум дундын Эрүүгийн хэргийн анхан шатны шүүхийн шүүгч Д.Адъяасүрэн