: 70522144 : dornogovi_tg@shuukh.mn

НИЙТЭД ТУСТАЙ АЖИЛ ХИЙЛГЭХ ЯЛЫГ ХОРИХ ЯЛААР СОЛИВ.


Шийдвэрийн дугаар: 2022/ХМШЗ/13
Шийдвэрийн төлөв: Хүчин төгөлдөр болсон
Бичсэн огноо: тоймын дугаар №13
Шүүгдэгч Л-д Дорноговь аймаг дахь Сум дундын эрүүгийн хэргийн анхан шатны шүүхийн 2022 оны 08 дугаар сарын 26-ны өдрийн 2022/ШЦТ/145 дугаар шийтгэх тогтоолоор Хүний эрүүл мэндэд хүндэвтэр хохирол санаатай учруулсан гэмт хэрэгт 500 цаг нийтэд тустай ажил хийлгэх ял шийтгүүлж, гүйцэтгэх хуудас бичигдэн Шүүхийн шийдвэр гүйцэтгэх байгууллагад хүргүүлсэн.
Дорноговь аймгийн Прокурорын газрын ял эдлүүлэхэд хяналт тавих прокуророос “Ялтан Л нь 500 цаг нийтэд тустай ажил хийлгэх ялаас 86 цагийн ялыг эдлээд, хүндэтгэн үзэх шалтгаангүйгээр ажил тасалж, ял эдлэхээс зайлсхийсэн тул хуульд зааснаар Л-ийн эдлээгүй үлдсэн 414 цагийн нийтэд тустай ажил хийлгэх ялын найман цагийг хорих ялын нэг хоногоор тооцож, 51 хоногийн хугацаагаар хорих ялаар солиулах” дүгнэлтийг шүүхэд ирүүлсэн байна.
Ялтан Л-нь шүүхийн хэлэлцүүлэгт “...3 хоног ажил тасалсан нь үнэн. Байгууллагаас ажлаа зогсоо гэхээр нь зогсоосон. Намайг хөдөө явж байхад манай авгайд ир гэж хэлсэн байсан. Миний буруу байгаа. Прокурорын дүгнэлтийг хүлээн зөвшөөрнө...” гэж мэдүүлжээ.
Эрүүгийн хуульд “Ялтан нийтэд тустай ажил хийлгэх ялыг биелүүлээгүй бол нийтэд тустай ажил хийлгэх ялын найман цагийн ажлыг нэг хоногоор тооцож хорих ялаар солино” гэж заасан.
Ялтан Л нь 2022 оны 10 дугаар сарын 17, 18, 19-ний өдрүүдэд архи согтууруулах ундааны зүйл хэрэглэн ажил олгогч байгууллагын цаг бүртгэгчийн хууль ёсны шаардлагыг биелүүлэхгүй ажил тасалсан, ажлын 4 цагаар дур мэдэн ажиллаж, цаг бүртгэгчийн тавьсан шаардлагыг эсэргүүцсэн зэрэг зөрчлийг удаа дараа гаргасан болох нь тогтоогдсон тул ялтан Л-д шүүхээс оногдуулсан 500 цаг нийтэд тустай ажил хийлгэх ялаас эдлээгүй үлдсэн 414 цагийн ялын 8 цагийг 1 хоногоор дүйцүүлэн сольж, 51 хоногийн хугацаагаар хорих ялаар сольж, хорих ялыг нээлттэй хорих байгууллагад эдлүүлэхээр шийдвэрлэсэн байна.
Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.
Тоймыг бэлтгэсэн: Дорноговь аймаг дах Сум дундын эрүүгийн хэргийн анхан шатны шүүхийн Ерөнхий шүүгч Ж.Байгалмаа
шаблоны для dle 11.2

ИРГЭН ТАНД

ХЭРЭГЦЭЭТ ХОЛБООС



Pdf download