: 70522144 : dornogovi_tg@shuukh.mn

ЯЛЛАГДАГЧААР ЦАГДАН ХОРЬСОН ХУГАЦАА СУНГАСАН ТАЛААР



Дорноговь аймаг дахь Эрүүгийн хэргийн анхан шатны шүүхийн 2023 оны 01 сарын 09-ны өдрийн шүүгчийн захирамж № 07
Шүүхийн процессын тойм 2023.01.09
Шийдвэрийн төлөв:Хүчин төгөлдөр болсон
Санамж:Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.
Прокуророос яллагдагч “Б”-г ... 2006 оны 06 дугаар сарын 27-ны өдөр иргэн ...-г түүний ......... улсын дугаартай ....маркийн тээврийн хэрэгсэл дотор цээжин тус газарт нь хутгалж санаатай алсан гэх хэрэгт яллагдагчаар татан,түүнд авсан цагдан хорих таслан сэргийлэх арга хэмжээний хугацаа сунгуулах саналыг шүүхэд ирүүлжээ.
Прокуророос яллагдагчид авсан цагдан хорих таслах арга хэмжээг сунгуулах саналыг 2023 оны 01 дүгээр сарын 06-ны өдөр буюу баасан гаригийн 11 цаг 30 минутад шүүхэд ирүүлж, Шүүх цагдан хорих таслан сэргийлэх арга хэмжээний хугацааг сунгах эсэх асуудлыг хэлэлцэх шүүхийн хэлэлцүүлгийн товыг хуульд зааснаар 2023 оны 01 дүгээр сарын 09-ний өдөр буюу даваа гаригийн 14 цагт товлон зарлаж талуудад мэдэгдсэн байна.
Яллагдагчийн өмгөөлөгчөөс: Шүүгчийн захирамжид Б-г яллагдагчаар цагдан хорих хугацааг 2022 оны 12 дугаар сарын 09-ний өдрөөс 2023 оны 01 дүгээр сарын 09-ний өдрийг хүртэл гэж тодорхой заасан байгаа. Иймд Б-г бүтэн сайн өдрийн буюу 2023 оны 01 дүгээр сарын 09-ний өдрийн шөнийн 24 цагт дууссан. Гэтэл манай үйлчлүүлэгчийг цагдан хорих байрны дарга “ яллагдагчийг суллахгүй, маргааш шүүх хурлаараа шийднэ” гэж хуулийг буруу тайлбарлаж, хүнийг хууль бусаар цагдан хорьж байна. Иймд прокурорын санал хууль зөрчсөн, хуулийн шаардлага хангаагүй тул цагдан хорионы хугацааг сунгах боломжгүй гэх хүсэлт гаргасан.
Эрүүгийн хэрэг хянан шийдвэрлэх тухай хуулийн 11.1 дүгээр зүйлийн 6 дахь хэсэгт “Хэрэв хугацааны төгсгөл ажлын бус өдөр тохиолдвол хугацааны сүүлийн өдрийг түүний дараагийн ажлын эхний өдрөөр тоолно” гэж заасныг баримтлан прокурорын шүүхэд ирүүлсэн санал үндэслэлтэй гэж үзэн шүүгч хүлээн авч, яллагдагч Б-гийн цагдан хорих таслах сэргийлэх арга хэмжээний хугацааг сунгаж шийдвэрлэв.
Шүүхийн шийдвэрийг бүтнээр үзэх цахим холбоос:
Тоймыг бэлтгэсэн:Дорноговь аймаг дахь Сум дундын эрүүгийн хэргийн анхан шатны шүүхийн шүүгч Д.Адъяасүрэн
шаблоны для dle 11.2

ИРГЭН ТАНД

ХЭРЭГЦЭЭТ ХОЛБООС



Pdf download