Шийдвэрийн дугаар: 2023.01.05

Шийдвэрийн төлөв: Гомдол гаргаагүй болно.

Шийдвэрийн тойм: 2023.01.27

Санамж: Энэхүү тойм нь шүүхийн шийдвэрийг орлохгүй бөгөөд зөвхөн олон нийтийг мэдээллээр хангах зорилготой болно.

Иргэн З-ээс хариуцагч Засаг даргад холбогдуулан, түүнийг ажилд эгүүлэн томилоогүйн улмаас ажилгүй байсан хугацааны дундаж цалин хөлстэй тэнцэх олговор, ажилгүй байсан хугацаанд нийгмийн даатгалын болон эрүүл мэндийн даатгалын дэвтэрт нөхөн бичилт хийлгүүлэх тухай нэхэмжлэл гаргажээ.

Хэрэгт авагдсан баримтуудаар, иргэн З нь ажлаас үндэслэлгүй халагдсан гэж шүүхэд маргаж, иргэний хэргийн анхан шатны шүүхийн шийдвэрээр түүнийг ажлаас үндэслэлгүй чөлөөлөгдсөнийг тогтоож, урьд өмнө нь ажиллаж байсан ажил албан тушаалд нь эгүүлэн тогтоож, ажилгүй байсан хугацааны дундаж цалин хөлстэй тэнцэх олговорт 7,427,948.69 төгрөгийг хариуцагч Засаг даргаас гаргуулан нэхэмжлэгчид олгохоор, ажилгүй байсан хугацаанд нийгмийн даатгалын болон эрүүл мэндийн даатгалын дэвтэрт нөхөн бичилт хийхийг үүрэг болгож шийдвэрлэсэн, уг шийдвэр хуулийн хүчин төгөлдөр болсон байна.

Гэтэл хариуцагч Засаг дарга нь шүүхийн шийдвэрийг гарсан даруйд нь үл биелүүлж, нэлээдгүй хугацааны дараа буюу 1 жил 3 сарын дараа түүнийг урьд ажиллаж байсан ажил албан тушаалд эгүүлэн тогтоожээ.

Анхан шатны шүүх нэхэмжлэгч З-ийн нэхэмжлэлийн шаардлагыг хангах үндэслэлтэй, шүүхийн хүчин төгөлдөр шийдвэрийг биелүүлж З-г ажилд нь эгүүлэн томилоогүйгээс нэхэмжлэгчийн эрх хууль ёсны ашиг сонирхол зөрчигдсөн гэж үзэв.

Шүүхээс, 3-г урьд эрхэлж байсан ажил албан тушаалд нь эгүүлэн тогтоосон шүүхийн шийдвэр гарснаас хойш буюу 2021 оны 09 дүгээр сарын 29-ний өдрөөс 2023 оны 01 дүгээр сарын 05-ны өдөр болон түүнийг ажилд буцаан томилсон өдөр хүртэлх хугацааны цалин хөлстэй тэнцэх хэмжээний нөхөх олговорт 25,098,126.56 төгрөгийг Засаг даргаас гаргуулж нэхэмжлэгч З-д олгож, нийгмийн болон эрүүл мэндийн даатгалын нөхөн төлж, нөхөн бичилт хийхийг хариуцагчид үүрэг болгож шийдвэрлэв.

Дорноговь аймаг дахь сум дундын Иргэний хэргийн анхан шатны шүүхийн Ерөнхий шүүгч Д.Наранцэцэг